24 fevral 2020, bazar ertəsi
.
.
chevron_left chevron_right
ƏDƏBİYYAT

KÖNLÜMÜN “KƏBƏSİ”

KÖNLÜMÜN “KƏBƏSİ”

368 Baxış
KÖNLÜMÜN “KƏBƏSİ”
Dinləmə sayı: 55

Dərdim çoxdur, bilməm kimə söyləyim,

Könlümün “Kəbəsi” Qarabağdadır,

Arzularım paramparça olubdur,

Qəlbimin naləsi Qarabağdadır!

 

Elə dərd ki, elə dərd ki, bitməyir,

Elə hər an çoxalır, itməyir,

Könlüm diyar-diyar gəzib getməyir,

Yarımın busəsi Qarabağdadır!

 

Çal, çal ay tarzən yurdun nəğməsin,

Durma, çal, çal Qarabağ şikəstəsin,

Gəl sən çal könlümün əzəl bəstəsin,

Hür eşqin xəstəsi Qarabağdadır!

 

Fikrimdən keçsə də ol mülki-Turan,

Sənsiz heç olarmı cənnəti-məkan,

Əlimdə gəzdirim Şərifi-Quran,

Tanrının “Ol!” səsi Qarabağdadır!

 

Dağlan, dağlan, ay millətin var olan bağrı,

Bu ki Yaradandan gələn bir çağrı,

Qoy rahat verməsin dərin bir ağrı,

Azadlıq kəlməsi Qarabağdadır!

 

İsmayılam, dərdim çoxdur, siz bilin,

Sağalmır, çün yaram dərindən dərin,

Qoy hamı oxusun Türkün şeirin,

Göylərin gur səsi Qarabağdadır!

Könlümün “Kəbəsi” Qarabağdadır!

 

ELŞƏN İSMAYIL

Təsirli bir kamança səsinin ilhamından...

 





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
Xəzər dənizinin tarixən 100-dək adı olmuşdur.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X